چغچران ( پژواک ٣٠ تله ٩٢ ) : د غور ولايت اوسېدونکي وايي، چې دوى د ژوند له ټولو لومړنيو اسانتياوو څخه بې برخې دي او د ژوند په هره برخه کې ستونزې لري.
دوى وايي، چې د غور – هرات او غور - باميان لويه لاره خرابه ده، برېښنا نه لري، روغتيايي اسانتياوې يې د نشت برابر دي او د سيمه ييزو ټوپکمارانو شتون يې تر ټولو لويه ستونزه ده.
د غور ولايت د مرکز چغچران اوسېدونکي ملا عبدالکريم پژواک خبري اژانس ته وويل ، چې د ولايت ستونزې يې دومره ډېرې دي، چې دوى يې نه شي بيانولى.
