ترينکوټ ( پژواک ٢٧ وږى ٩٢): په اروزګان کې د ټاکنو خپلواک کمېسيون چارواکي وايي، چې په مرکز او ولسواليو کې يې د نوم ليکنې بهير له ستونزو پرته پر مخ روان دى.
په اروزګان کې د ټاکنو د سيمه ييز دفتر مشر عبيدالله عثماني پژواک اژانس ته وويل، چې په ټولو مرکزونو کې نوم ليکنه روانه ده او د مېرمنو لپاره د نوم ليکنې ځانګړي مرکزونه پرانيستل شوي دي.
د عثماني په خبره، په ولسواليو کې به د نوم ليکنې مرکزونه يوه مياشت وروسته وتړل شي ،خو په مرکز کې به د نوي لمريز ١٣٩٣ کال د ورې تر پنځمې پرانيستي وي، تر څو څوک له نوم ليکنې پاتې نه شي.