خوست ښار ( پژواک، ٤ چنګاښ ٩٣ ) : د خوست د ټاکنيزو شکايتونو کمېسيون وايي، چې د ولسمشرۍ د دويم پړاو ټاکنو د لس سلنه رايو د بيا شمېرنې په پايله کې ثابته شوه، چې په دې ولايت کې د ټاکنو په پروسه کې درغلي نه ده شوې.
د ياد کمېسيون رييس خانزاده افغاني د چنګاښ په ٤مه، په يوه خبري غونډه کې خبريالانو ته وويل، چې د ټاکنو د مرکزي دفتر په لارښوونه يې د خوست ولايت د رايې اچونې د اتو بېلابېلو محلونو رايې له سره وشمېرلې.