Special Reports

محمودراقي( پژواک،٨ چنګاښ ۹۲ ): د کاپيسا چارواکي وايي، چې په دې ولايت کې د بيارغونې چارې ښې پرمخ تللي او په ګڼو برخو کې يې پرمختګونه کړي دي.
د کاپيسا والي جنرال محراب الدين ساپی وايي، چې په کاپيسا کې په تېر کال کې د ۹۶ ميليون ډالرو په ارزښت پروژې پلې شوي ، چې د پوهنې، کرنې، روغتيا او سړکونو د جوړولو په برخه کې وې.
هغه وايي، همدا په دې ولايت کې د اوبو په ۵۰ کوچنيو بندنو کار روان دی، چې تر يوه ځايه يې د خلکو ستونزې راکمې کړي او د روان کال تر پايه به د خلکو ډېرې نورې ستونزې هم ورسره ختمې شي.

محمودراقي (پژواک ٢٣غبرګولى ٩٢) : د کاپيسا چارواکي وايي، چې د دې ولايت د خلکو اقتصاد په کرنې او مالدارۍ  ولاړ دى ، نو له همدې امله په ډېرو سيمو کې د اوبو بندونو په جوړولو يې لاس پورې کړی، چې په بشپړتيا سره به يې د خلکو اقتصاد ودې وکړي.
خو ځايي اوسېدونکي وايي، چې لا هم د اوبو د کمښت له ستونزې سره مخ دي.
د کاپيسا والي جنرال محراب الدين ساپي پژواک خبري اژانس ته وويل، چې اوس مهال د کاپيسا په منځ کې ټرانزيټي سړک تېرېږي ، چې د وريښمو تنګی به له سالنګ سره ونښلوي او د کاپيسا په لومړي کوهستان کې به يو سوداګريز مرکز هم جوړ شي.