محمودراقي (پژواک ٢٣غبرګولى ٩٢) : د کاپيسا چارواکي وايي، چې د دې ولايت د خلکو اقتصاد په کرنې او مالدارۍ ولاړ دى ، نو له همدې امله په ډېرو سيمو کې د اوبو بندونو په جوړولو يې لاس پورې کړی، چې په بشپړتيا سره به يې د خلکو اقتصاد ودې وکړي.
خو ځايي اوسېدونکي وايي، چې لا هم د اوبو د کمښت له ستونزې سره مخ دي.
د کاپيسا والي جنرال محراب الدين ساپي پژواک خبري اژانس ته وويل، چې اوس مهال د کاپيسا په منځ کې ټرانزيټي سړک تېرېږي ، چې د وريښمو تنګی به له سالنګ سره ونښلوي او د کاپيسا په لومړي کوهستان کې به يو سوداګريز مرکز هم جوړ شي.
