کابل (پژواک، ١٨ مرغومى ٩٧): د جمعيت ګوند مرکزي غړى يونس قانوني وايي چې د ولسمشرۍ احتمالي نوماند حنيف اتمر ورسره د نيمه رياستي نظام جوړښت منلى دى.
قانوني دغه څرګندونې په يوه غږ کې کړې دي چې د اريانا نيويز ټلوېزيون له خوا ترلاسه او خپور شوى دى.
په دغه ثبت شوي غږ کې چې ښايي په کومه غونډه کې وي او یا هم ټیلېفوني خبرې، قانوني ویلي چې دا پرېکړه تر اوسه نهايي شوې نه ده.
قانوني وايي: ((په دې اړه به وروستۍ پرېکړه د جمعيت اسلامي په رهبرۍ شورا کې نيول کېږي، چېرې چې استاد عطاءمحمد نور، اسماعيل خان، بسم الله خان او نور مشران شتون ولري.))