Zabol

کلات ( پژواک، ١٧ ورى ٩٤ ) : د زابل د ولايتي شورا رييس وايي چې له ٣١ تښتول شويو کسانو څخه يې يو تن په خپل مرګ مړ شوى او بل يې تښتوونکو وژلى دى.
دغه ٣١تنه ناپېژاندو وسله والو د ١٣٩٣ لمريز کال د کب په ٤مه د کابل-کندهار له لويې لارې وتښتول او برخليک يې تر اوسه هم نه دى معلوم.
ويل کېږي، چې تښتول شوي کسان د زابل په خاک افغان او ارغنداب ولسواليو کې ساتل شوي ، دولتي ځواکونو په لومړي سر کې خاک افغان ولسوالۍ کې عمليات ترسره کړل، خو دغه عمليات ناڅاپه ودرول شول او لامل يې معلوم نه شو.

کلات (پژواک، ٥ کب ٩٣): چارواکي وايي چې وسله والو د کابل– کندهار پر لويه لار د سپرليو له يوه ٣٠٣ موټره ٣٠ مسافر تښتولي دي.
د زابل د شاه جوى ولسوالۍ امنيه قوماندان محمدالله احمدي د کب په ٥مه پژواک خبري اژانس ته وويل  چې دا پېښه پرون ماښام شاوخوا پنځه بجې د دې ولسوالۍ د پش کندې په سيمه کې رامنځته شوې ده.
هغه زياته کړه چې ناپېژانده وسله والو  له  ٣٠٣ موټره ٣٠  مسافر ښکته کړي او بيولي، خو وايي چې د دغو مسافرو هويت تر اوسه نه دى معلوم.
د نوموړي په وينا، لومړني معلومات ښيي چې دغه کسان له ايرانه راستانه شوي کډوال دي او غوښتل يې چې خپلو سيمو ته ولاړ شي.