کلات (پژواک،٢٢ چنګاښ، ۹۲ ): د زابل د پوهنې چارواکي وايي، چې په دې ولایت کې د پوهنې بهیر که څه هم چې د پخوا په پرتله ښه شوی ، خو لا هم په کې ۱۴۰ ښوونځي تړلي او زده کوونکي یې له زده کړو بې برخې دي.
د دې ولایت د پوهنې رییس رحیم الله لودین پژواک اژانس ته وویل، چې زابل په دولتي تشکیل کې ۲۳۸ ښوونځي لري، چې دا مهال يې ۹۵ پرانیستي دي او پاتې نور یې د نا امنیو، د ودانیو د نشتوالي، د ښوونکيو، تخنیکي وسایلو د نه شتون او نورو لاملونو له امله تړلي دي.
