Bamian

باميان (پژواک ، ٢٠ عقرب ٩٤): د باميانو والي او مدني فعالانو، حکومت په ځانګړې توګه امنيتي ځواکونه د اوو کسانو سر پرېکوونکو پر نيولو او هغوى ته د سزا پر ورکولو باندې مکلف وګڼل.
هغه غونډه چې نن په باميانو کې د مدني ټولنې د غونډو په دفتر (مجما) کې ترسره شوه، هغوى د قربانيانو له کورنيو سره د خواخوږي تر څنګ وويل چې حکومت بايد په دې اړه چوپ پاتې نه شي.
د (مجما) مشر حسين داد احمدي پژواک خبري اژانس ته وويل چې حکومت دې د دې خونړۍ او زړه بوږنوونکې  پېښې قاتلان تر نيولو وروسته مجازات کړي او د يادو اوو کسانو خاورو ته د سپارلو په مراسمو کې دې برخه واخلي.