Bamian

باميان (پژواک، ٢٦ غبرګولى ٩٤): په باميانو کې د ولايتي شورا يواځېنۍ ښځينه مشره وايي چې د دغه ولايت سرپرستي، په پراختيايي پروژو او ولايتي شورا کې د ځنډ لامل شوې دې.
طيبې خاوري پژواک خبري اژانس ته وويل چې د دولت کارونه نا منظم دي، کابينه نه ده بشپړه شوې، واليانو په ټوله کې کار نه دى پيل کړى، په ځانګړي ډول د باميانو د والي نشتوالي مديريتي تشه رامنځته کړې ده.
هغه زياته کړه چې د ولايت سرپرستۍ، په دولتي کارونو او پراختيايي پروژو کې ځنډ او خنډ رامنځته کړى، پراختيايي پروژې کمې شوې او تمويل کوونکې سرچينو خپلې مرستې کمې کړې دي.