Bamian ټاکنیز خبرونه

باميان (پژواک، ٧ وږی ٩٨): په ولسمشرۍ ټاکنو کې د ښځو د پراخ ګډون لپاره د بایومتریک سیستم په وسیله د رایې ورکونې په اړه د د عامه پوهاي پروګرام پیل شو.
ټاکل شوې راتلونکې ولسمشرۍ ټاکنې په ټول هېواد کې د روان کال د تلې په شپږمه ترسره شي.
په بامیانو کې د ټاکنو خپلواک کمېسیون د جنډر مسوولې عاقلې یوسفي پژواک خبري اژانس ته وویل، د ټاکنو اړوند د دغه روزنیز پروګرام موخه دا ده چې ښځې د رایې ورکونې په ورځ له ستونزو سره مخامخ نه شي او دغه راز په ټاکنو کې د ښځو د ګډون کچه زیاته شي.

بامیان (پژواک، ۲۷ غبرګولی ۹۸): د نوم لیکنې د مرکزونو لرېوالی، د ولسي جرګې په ټاکنو کې پراخه درغلي او د حکومت او کمېسیون پر پرېکړو بې باوري په بامیانو کې د نوم لیکنې د بهیر د ټکني توب او په راتلونکو ولسمشرۍ ټاکنو کې د ګډون لپاره د خلکو د کمې لېوالتیا سبب شوي دي.
د هېواد په ۳۴ ولایتونو کې د ولسمشرۍ ټاکنو لپاره د تقویتي نوم لیکنې د بهیر له پيلېدو راهیسې تر اوسه په ټول هېواد کې پر شرایطو برابر شاوخوا ۵۰زره کسانو نوم لیکنه کړې ده.

بامیان (پژواک، ٢٩ تله ٩٧): د بامیان د کهمرد ولسوالۍ سلګونو اوسېدوکو اعتراض کړی او پر دې د نیوکې تر څنګ چې دوی ته د رایې ورکونې فرصت نه دی ورکړل شوی، وايي د رایې ورکونې بهیر روڼ نه و او د دې ولسوالۍ د اوسېدونکو قناعت یې نه دی ترلاسه کړی.
د کهمرد ولسوالۍ مرکز او امنیې قوماندانۍ ته نږدې شاوخوا ۴۰۰ اعتراض کوونکي راټول شوي وو او پر ټاکنو یې نیوکه وکړه.
د دوی په خبره، خلک هیله من وو چې هغه کسانو ته به نن د رایې ورکولو اجازه ورکړل شي چې تېره ورځ یې خپلې رایې نه دي کارولې خو تېره شپه د رایې ورکونې ټول صندوقونه راټول شوي او لېږدول شوي و.

بامیان(پژواک، ٢٥ تله ٩٧): د ټاکنو کمېسیون وايي چې د ټاکنیزو مبارزو پر مهال په بامیانو کې د ولسي جرګې د نوماندانو د سرغړونې ۱۴ پېښې ثبت شوې چې ټولو ته رسېدنه شوې ده.
په بامیانو ولایت کې د ټاکنیزو شکایتونو کمېسیون د سیمه ییز دفتر رییس محمد هادي امیري د دې په روښانولو چې په سرغړوونکو کاندیدانو کې ښځینه نوماندانې نه دي شاملې پژواک خبري اژانس ته وویل، یو شمېر نوماندان له ۳ تر ۵ ورځو ټاکنیز کمپاین څخه برخې او ځينو ته توصیه وشوه او نغدي جریمه شول.

باميان (پژواک ، ٢٠ عقرب ٩٤): د باميانو والي او مدني فعالانو، حکومت په ځانګړې توګه امنيتي ځواکونه د اوو کسانو سر پرېکوونکو پر نيولو او هغوى ته د سزا پر ورکولو باندې مکلف وګڼل.
هغه غونډه چې نن په باميانو کې د مدني ټولنې د غونډو په دفتر (مجما) کې ترسره شوه، هغوى د قربانيانو له کورنيو سره د خواخوږي تر څنګ وويل چې حکومت بايد په دې اړه چوپ پاتې نه شي.
د (مجما) مشر حسين داد احمدي پژواک خبري اژانس ته وويل چې حکومت دې د دې خونړۍ او زړه بوږنوونکې پېښې قاتلان تر نيولو وروسته مجازات کړي او د يادو اوو کسانو خاورو ته د سپارلو په مراسمو کې دې برخه واخلي.

باميان (پژواک ٢٥ وږى ٩٤): تر اوسه پورې د باميانو ولايت د ٢٧٥٠ اجيرو ښوونکو د شپږو مياشتو معاشونه نه دي ورکړل شوي او ان يو شمېر ښوونکي ادعا کوي چې د خپلو کورنيو د نفقې لپاره مزدورکاري کوي.
د باميانو ولايت په کچه د ٧٠ زره نجونو په ګډون له ١٤٥ زره څخه ډېر زده کوونکي، له ٢٧٠ ښوونځيو څخه په ډېرو کې د ٢٨٥٠ رسمي او ٢٧٥٠ غير رسمي ښوونکو له لوري تدريس کېږي.
پر دې سربېره په روان کال کې له ١٧ زره څخه نور ډېر زده کوونکي هم جذب شوي چې پنځوس سلنه يې نجونې تشکيلوي.

باميان (پژواک، ١٥ زمرى ٩٤): د ملګرو ملتونو د اسکان مرکز "هبيتات" د "ښاري سولې" لومړۍ پروژه چې د شوراګانو د ظرفيت جوړونه او پراختيايي پلان ترتيبول او د پروژو پلي کول په کې شامل دي، په باميان ولايت کې عملي کېږي.
د دې پروژې تړون د باميانو د والي او هبيتات دفتر د مشر تر منځ لاسليک شو.
د ښاري سولې پروژه درې کلنه ده او د باميانو په مرکز کې د پنځو شوراګانو په کچه پلې کېږي.
د باميانو والي محمدطاهر زُهير وايي چې باميان يو امن ولايت دى او په همدې سبب دا پروژه د لومړي ځل لپاره په کې عملي کېږي.

باميان (پژواک، ١٣ چنګاښ ٩٤): په باميانو کې د مدني ټولنې او ولايتي شورا د غړو په ګډون سلګونو کسانو د ميدان وردګو په جلريز ولسوالۍ کې د امنيتي ځواکونو د وژنې په غبرګون کې لاريون وکړ او پر حکومت يې سختې نيوکې وکړې.
د ميدان وردګو امنيتي چارواکي وايي چې دوې ورځې وړاندې پر دې ولسوالۍ د وسله والو مخالفينو په بريد کې ١٢ امنيتي پوستې د دولت له واکه وتلې او ٢٤سيمه ييز پوليس وژل شوي، خو اوس وايي چې دا ټولې پوستې بېرته نيول شوې او د دريو طالب قوماندانانو په ګډون په لسګونه وسله وال مخالفين وژل شوي دي.

باميان (پژواک، ٢٦ غبرګولى ٩٤): په باميانو کې د ولايتي شورا يواځېنۍ ښځينه مشره وايي چې د دغه ولايت سرپرستي، په پراختيايي پروژو او ولايتي شورا کې د ځنډ لامل شوې دې.
طيبې خاوري پژواک خبري اژانس ته وويل چې د دولت کارونه نا منظم دي، کابينه نه ده بشپړه شوې، واليانو په ټوله کې کار نه دى پيل کړى، په ځانګړي ډول د باميانو د والي نشتوالي مديريتي تشه رامنځته کړې ده.
هغه زياته کړه چې د ولايت سرپرستۍ، په دولتي کارونو او پراختيايي پروژو کې ځنډ او خنډ رامنځته کړى، پراختيايي پروژې کمې شوې او تمويل کوونکې سرچينو خپلې مرستې کمې کړې دي.

باميان، شبرغان، پلخمري(پژواک، ١٩کب٩٣): له شاوخوا يوې نيمې مياشتې ځنډ وروسته نن د درېيو ولايتونو د ولايتي شوراګانو دفترونه بېرته پرانېستل شول او چارواکو يې ولايتي شورا ته د څارنې حق له بېرته ورکړې هر کلى وکړ.
ولسي جرګې شاوخوا يوه نيمه مياشت وړاندې داسې قانون تصويب کړ چې په کې له ولايتي شوراګانو څخه د څارنې حق اخيستل شوى او دې شوراګانو ته يې يواځې د مشورې ورکولو حق ورکړى دى.
د ولسي جرګې له پرېکړې وروسته ولايتي شوراګانو خپل دفترونه په ټول هېواد کې وتړل او کاري اعتصاب يې وکړ، دوى ټينګار کاوه چې دفترونه به يې تر هغو تړلي وي ، څو چې بېرته د څارنې حق ورنه کړل شي.