باميان (پژواک ٨ چنګاښ ٩٤): د ولسي جرګې درېيو غړو له خپلو لسګونو پلويانو سره يو ځاى د باميانو د والي دفتر دروازې ته قلف اچولى چې دغه کار د ولايت د وياند له لوري په کلکه محکوم شوى دى.
محمداکبري، صفورا ايلخاني او سيد فکور له تېرو درېيو اوونيو راهيسې په باميانو ښار کې د نوي والي له ټاکل کېدو سره د مخالفت له امله د تحصن خيمې درولې دي.
د سيمه ييزو ارګانونو خپلواکې ادارې تېره اونۍ، طاهر زهير د باميانو د والي په توګه ګومارلى، خو نوموړى تر اوسه پورې باميانو ته نه دى تللى.