پل علم (پژواک، ٢٤ کب ٩٣): چارواکي وايي، د لوګر په بره کي برک ولسوالۍ کې مېشتو کوچيانو د سيمه ييزو خلکو لاره تړلې او ځمکو ته يې څاروي ور خوشې کړي دي.
د بره کي برک ولسوال محمدرحيم امين وايي که حکومت دا ستونزه پر وخت حل نه کړي، نو پايلې به يې بدې وي.
د چارواکو د معلوماتو له مخې، د بره کي برک د خاکي په سيمه کې د کوچيانو او ځايي خلکو تر منځ له تېرو څلورو کلونو راهيسې پر ٢٠٠٠ جريبه ځمکه دعوه روانه ده.
وړاندې درې ځلې د دواړو لورو تر منځ د ځمکې د ملکيت پر سر جګړه شوې چې مرګ ژوبله يې هم درلوده.