خوست ښار (پژواک ٢١ لېندۍ ٩١): امنيتي چارواکي وايي، چې د يو لړ عمليات پر مهال يې هغه څلور کسيزه وسلواله ډله نيولې، چې دولتي مامورين يې وژل.
د خوست د ملي امنيت رياست د لېندۍ په ۲۱مه پژواک اژانس ته په يوه رالېږل شوې خبرپاڼه کې ويلي، چې ځواکونو يې په عملياتو کې هغه کسان ونيول، چې د ملي امنيت د کارکوونکو په ګډون يې پنځه دولتي مامورين وژلي وو.
د سرچينې په وينا، د وسلوالو دغه ډله يې تېره شپه د خوست په تڼيو ولسوالۍ کې په داسې حال کې نيولې، چې د دوو نورو دولتي مامورينو د وژلو پلان يې جوړاوه.