Herat

هرات (پژواک،١٦ورى٩٣):د هرات د شينډنډ ولسوالۍ اوسېدونکي او د ټاکنو ځينې ناظرين وايي، چې د رايې ورکولو په ځينو سايټونو کې راى پاڼې پلورل شوې دي.
په دغې ولسوالۍ کې د مدني ټولنې يو تن ناظر ګل احمد پژواک خبري اژانس ته وويل، چې ددغو ولسواليو په ځينو سايټونوکې د  کانديدانو  پر  پلويانو راى پاڼې پلور کېدې او هغوى به د خپل  کانديد په ګټه استعمالولې.
د ولايتي شورا يوه وکيل تور محمد ظريفي پژواک ته وويل، چې په دغه ولسوالۍ کې د ټاکنو پر وړاندې لويه ستونزه د راى پاڼو   خلاصېدل و.
د نوموړي په وينا، د دغې ولسوالۍ په ځينو سيمو کې د امنيتي تهديدنو له امله  يو شمېر سايټونه بند وو.

هرات (پژواک ١٦ ورى ٩٣): د هرات ولايت سلګونو اوسېدونکو په دغه ولايت کې د راى پاڼو د خلاصېدو په غبرګون احتجاج وکړ.
دغه احتجاج کوونکي، چې د هرات ښار د ګوهرشاد بېګم د ټاکنيزې حوزې مخې ته راټول شوي وايي، چې راتلونکې ټاکنې ورته د منلو نه دي.
د سروش په نوم يوه تن پژواک خبري اژانس ته وويل، چې له سهار را په دې خوا په دې حوزه کې ولاړ دي خو وروسته ورته وويل شول، چې راى پاڼې خلاصې دي.
نوموړى وايي، د ښار په ډېرو ټاکنيزو حوزو کې له غرمې وروسته راى پاڼې خلاصې وې او ډېرى خلک نه دي توانېدلي، چې خپلې رايې وکاروي.