هرات (پژواک ٢٣ کب ٩٣): د هرات د ولايتي شورا غړي وايي، د تېرو دوو مياشتو په ترڅ کې د دغه ولايت د امنيه قوماندان په توګه د عبدالمجيد روزي په ټاکل کېدو سره امنيت ښه شوى دى.
يادې ولايتي شورا، نن د هرات امنيتي وضعيت د څېړلو په موخه غونډه وکړه.
د هرات د ولايتي شورا مشر کامران عليزي خبريالانو ته وويل، چې څلور مياشتې وړاندې به دغه ولايت هره ورځ د يوې ترخې پېښې شاهد و، خو د امنيتي برخې په مشرتابه کې د بدلون له امله د پخوا په پرتله د دغه ولايت امنيتي وضعيت ډېر ښه شوى دى.