فيروزکوه (پژواک، ٢١ زمرى ٩٤): په غور ولايت کې د ښځو پر وړاندې تاوتريخوالى دوه برابره شوى، په ځانګړې توګه د روانې اوونۍ په ترڅ کې درى ښځې وژل شوې او دغه وضعيت د بشري حقونو کمېسيون او مدني ټولنو کلکه اندېښنه راپارولې ده.
د غور د بشري حقونو سيمه ييز کمېسيون شمېرې ښيي چې د تېرکال په لومړيو څلورو مياشتو کې د ښځو او نجونو پر وړاندې د تاوتريخوالي اووه پېښې ثبت شوې چې له کوره تېښته، وهل ډبول، طلاق، نفقه نه ورکول او ... پېښې په کې شاملې دي او د قتل هېڅ پېښه نه ده ثبت شوې.