چاريکار (پژواک ١٢ ورى ٩٣): په پروان ولايت کې د شاوخوا دوه زره تنو په ګډون د ولسمشرۍ د کانديد زلمي رسول په ملاتړ غونډه وشوه.
دغه غونډه د پروان د مرکز اړوند په "چيکل رباط" سيمه کې د پروان او کاپيسا ولايتونو او د کابل د شمالي ولسواليو د خلکو په ګډون جوړه شوې وه.
په ولسي جرګه کې د پروان استازي حاجي الماس زاهد له خلکو يې وغوښتل چې زلمي رسول ته رايه ورکړي.
وروسته زلمي رسول وويل، چې که په ټاکنو کې بريالى شو، نو په يادو ولايتونو کې به سړې خونې جوړې کړي او د کرنې پراختيا ته به يې پاملرنه وکړي.