چاريکار ( پژواک ٢١ زمرى ٩٢ ) : د پروان والي وايي، چې په تېرو لسو کلونو کې په دې ولايت کې د شاوخوا ٧٠٠ ميليونو ډالرو په ارزښت دبيارغونې پروژې تر سره شوې دي، خو ددې ولايت اوسېدونکي وايي، چې اوس هم په ځينو سيمو کې بيارغونې ته اړتيا ليدل کېږي.
د پروان والي عبدالبصير سالنګي پژواک خبري اژانس ته وويل ، چې لس کاله مخکې په دې ولايت کې دوه ښوونځيو هم ودانۍ نه درلودې ، خو اوس په دې ولايت کې د بيارغونې د نورو کارونو ترڅنګ ٢١٠ ښوونځيو ته اساسي ودانۍ جوړې شوې دي.
