محمود راقي ( پژواک ٩ چنګاښ ٩٢ ) : د کاپيسا يو شمېر اوسېدونکي له حکومت څخه د امنيت ترڅنګ د کار پيدا کولو او اداري فساد پرضد د کلکې مبارزې غوښتنه کوي.
خلک له حکومتي چارواکوڅخه بېلابېلې غوښتنې لري ،دوی زياتره د امنيت په ټينګښت او خلکو ته دکار په پيدا کولو باندې تاکيد کوي.
د کاپيسا د مرکز محمود راقي اوسېدونکى او د البيروني پوهنتون استاد پوهنيار يحيی رحيل په وينا دولت بايد دوى ته په لومړي قدم کې امنيت ښه ټينګ کړي .
د هغه په وينا، کله چې امنيت وي بيا بياروغونه ، اقتصادي کارونه او تعليم هم کيږي که امنيت نه وي، نو هيڅ يوه ټولنه پرمختګ نه کوي .
