جلال اباد (پژواک٩ورى٩٣) : د افغانستان د ملي دفاع وزارت د ځمکنيو قواو قوماندان وايي، چې راتلونکې ټاکنې به په ارامه فضاء کې ترسره شي.
په ختيځ کې د ٢٠١ سيلاب قول اردو کې د ملي دفاع وزارت او د دغې قول اردو يو شمېر چارواکو د وري په ٩مه، ګډه امنيتي ناسته لرله ، چې پکې د راتلونکو ټاکنو پر وړاندې يې د امنيتي خنډونو د له منځه وړلو ژمنه وکړه.
د ملي دفاع وزارت د ځمکنيو قواو قوماندان ډګر جنرال مراد علي مراد د خبري غونډې پر مهال وويل ، چې په يو شمېر سيمو کې لا هم ستونزې شته ، خو د ټاکنو تر ورځې پورې له دوى سره کافي وخت موجود دى، چې له منځه به يې يوسي.