Nangarhar ټاکنیز خبرونه

جلال اباد (پژواک ۱۳ زمری ۹۸): په قطر کې د امريکا په منځګړيتوب له طالبانو سره د سولې د خبرو اترو روان بهير سره يو ځای د ولسمشريزو ټاکنو د ځنډېدو اندېښنې ډېرې شوې دي، خو د ټاکنو خپلواک کمېسيون وايي چې د تلې په ۶مه د ټاکنو ترسره کول  ورته سره کرښه ده.

جلال اباد (پژواک، ۵ چنګاښ ۹۸): د ننګرهار د ټاکنو خپلواک کمېسيون مسوولين وايي، په دغه ولايت کې د ټاکنو تقويتي نومليکنې له پيله تر اوسه شاوخوا ۱۶زره کسانو خپل ځانونه ثبت کړي دي.
دوی دغه راز ډاډ ورکوي چې په ټول ولايت کې يې تر اوسه د پروسې پر وړاندې خنډ نشته او هېڅ کومه امنيتي پېښه هم لا نه ده رامنځته شوې.
د ټاکنو کمېسيون مسوولينو دا څرګندونې د چنګاښ په ۴مه د دغه کمېسيون په ولايتي دفتر کې په ټاکنو کې د اړوند بنسټونو د همغږۍ په غونډه کې وکړې.

کابل (پژواک، ٢٣ وری ٩٨): د ټاکنو خپلواک کمېسيون د ننګرهار ولايت د ولسي جرګې د نوماندانو وروستۍ پايلې اعلان کړې.
د اعلان شوو پايلو له مخې، عبدالکریم کریمي، فریدون خان مومند، ملک قیس، نوراغا ملکزی، عبدالرووف شپون، امیر محمدیار، نبي‌الله باز، میرویس یاسیني، حضرت علي، ابرارالله مراد، نیازولي مسلم، ارین یون، بي بي حاجي لیلما ولي حکمي، سایمه خوګیانۍ او انیسې عمراني وکولای شول په وروستي نوملړ کې له ننګرهاره ولسي جرګې ته لار پيدا کړي.
د ولسي جرګې ټاکنې له غزني پرته تېر کال د تلې په ۲۸ مه او ۲۹مه ترسره شوې.

جلال اباد (پژواک، ۱۲ مرغومی ۹۷): په ننګرهار کې د ټاکنو کمېسيون له لوري د دغه ولايت د هغو ۱۷۳ محلونو د رايو بیا ځلي شمېر پيل شو چې د نوماندانو او ناظرينو له خوا يې په تړاو شکایتونه ثبت شوي دي.