جلال اباد (پژواک ٣٠ غويى ٩٢): د ننګرهار اوسېدونکي له افغان حکومت او نړېوالې ټولنې غواړي، چې په ننګرهار کې دې د اداري فساد مخنيوى وکړي، امنيتي چارې دې ګړندۍ کړي، د بې کارۍ ستونزې ته دې د پاى ټکى کېږدي، هغه ستونزې چې د پوهنې په برخه کې دي، هغه دې له منځه يوسي، د بيارغونې بنسټيزې پروژې دې پيل کړي او نجونو ته دې د لوړو زده کړو په برخه کې لا نوره ښه زمينه برابره کړي.
په ولسي جرګه کې د ننګرهار د خلکو استازې ليلما ولي حکيمي پژواک خبري اژانس ته وويل، چې په ننګرهار کې امنيتي ستونزې په دې وروستيو کې زياتې شوې دي.