لغمان (پژواک٢٨غبرګولى٩٢): د لغمان ولايت ډېرى اوسېدونکي وايي، چې بې کاري او نا امنۍ ددوى لويې او مهمې ستونزې دي.
د لغمان دولت شاه ولسوالۍ اوسېدونکي فرهاد پژواک ته وويل، چې په ولسوالۍ کې يې له ناامنۍ سربېره د بې کارۍ ستونزه يو له هغو غټو ستونزو څخه ده ، چې له ګڼو مشکلاتو سره يې مخ کړي دي.
دى وايي ، چې د دوى د ولسوالۍ ډېرى ځوانان بې کاره ګرځي او يا هم د کار لپاره ايران ته ځي ، چې په لاره او ايران کې بيا وژل کېږي .
