جلال اباد(پژواک٢٠غبرګولى٩٢): د لغمان ولايت پوهنيز بهير د پخوا په پرتله ډېره وده کړې ، خو د مسلکي ښوونکو کموالى او د يو شمېر ښوونځيو د ودانيو نشتوالى يې مهمې ستونزې دي.
د دغه ولايت د پوهنې رييس اسدالله اوريا پژواک خبري اژانس ته وويل، چې په لغمان ولايت کې اوس مهال بېلابېل ٢٩١ ښوونځي فعاليت لري، چې نجونې او هلکان پکې په زده کړو بوخت دي.
د رويا په خبره ، چې له يادو ښوونځيو څخه يې ١١٩ لېسې او پاتې نور يې لومړني او منځني ښوونځي دي.
ده زياته کړه: ((د لغمان د پوهنې بهير ورځ تر بلې د پرمختګ په حال کې دى، زده کوونکي هر کال زياتيږي.))
