کلات (پژواک، ٢٢ تله ٩٤): د زابل ولايت چارواکي او وسله وال طالبان په دغه ولايت کې د جګړو پر مهال يو بل ته د مرګ ژوبلې اړولو ادعاوې کوي.
د زابل مرستيال والي مسعود بختور د تلې په ٢٢مه پژواک خبري اژانس ته وويل چې سلګونو وسله والو طالبانو پلان درلوده څو پر مرکز کلات او شاه جوي ولسوالۍ بريدونه وکړي.
هغه وايي چې امنيتي ځواکونو د وسله والو طالبانو پلان شنډ کړ خو په ځينو سيمو کې اوس هم د دواړو لورو تر منځ جګړه روانه ده.
ده وويل چې د يادو جګړو پر مهال وسله والو طالبانو ته درنه مرګ ژوبله اوښتې خو د کره شمېرې په اړه يې معلومات نه درلودل.