چغچران (پژواک ۲۴ سلواغه ۹۱): د غور په سلګونو اوسېدونکو په دغه ولايت کې بيارغونې ته د دولت د نه پاملرنې له امله لاريون وکړ او د دغه ولايت د مرکز چغچران بازار او د ولايتي شورا دفتر يې وتړل.
دوی لومړی د چغچران ښار په جامع جومات کې راټول شول او له ويناوو وروسته يې د ښار په لور لاريون پيل کړ.
په دغه لاريون کې کسب ګر، د ولايتي شورا او مدني ټولنو غړو او د چغچران ښاريانو ګډون کړی و او په خپلو شعارونو کې يې د برېښنا او د سړکونو جوړولو غوښتنه کوله.