هرات (پژواک ١٣ چنګاښ ٩٢): د هرات په ګذرې ولسوالۍ کې د NRC په نوم مرستندويې ټولنې درې کارکوونکي تښتول شوي او بلخوا په غوريان ولسوالۍ کې يوه لس کلنه نجلۍ له تېرو دوو ورځو راهيسې نادرکه ده.
د ګذرې ولسوال نثاراحمد پوپل د چنګاښ په ١٣مه پژواک اژانس ته وويل، درې واړه کار کوونکي، چې يوه مېرمن هم په کې شامله ده، افغانان دي.
نوموړى وايي، دا نه شي ويلى، چې دغه کسان به چا تښتولي وي، خو د دوى د موندلو هڅې يې پيل کړې دي.
ګذره د هرات په نا امنه سيمو کې راځي، چې له مرکزه سوېل ته په ٣٥ کيلومترۍ کې پرته ولسوالۍ ده.