فراه (پژواک۳۰ وږی ۹۳): د ټاکنو د پايلو د څو مياشتني ځنډ له امله د فراه ولايتي شورا ډېر غړي شورا ته نه ځي او له امله يې د دې شورا نږدې ټولې چارې په ټپه درېدلې دي.
د ولايتي شوراګانو ټاکنې د ولسمشرۍ له لومړي پړاو ټاکنو سره يو ځاى د وري په ١٦مه ترسره شوې خو په ټاکنو کې د درغليو د دعوو له امله د ولسمشرۍ ټاکنې له بن بست سره مخ او د دې لامل شوې چې تر اوسه د دواړو ټاکنو وروستۍ پايلې نه دې اعلان شوې.
ټاکل شوې چې د ولسمشرۍ ټاکنو وروستۍ پايلې نن او د ولايتي شوراګانو د ټاکنو پايلې په نږدې راتلونکو ورځو کې اعلان شي.