نيلي(پژواک، ۳۰ تله ٩٢):د دايکنډي ولايت اوسېدونکي او مدني ټولنې په دولت او نورو بهرنيو مرستندويه ادارو نيوکه کوي، چې د دوى ولايت ته يې د بيارغونې په برخه کې هېڅ پاملرنه، نه ده کړې.
دوى د سړکونو نه پخېدل، د بنسټيزو پروژو نه شتون او له اروزګان او هلمند سره په ځينو سرحدي ولسواليو کې شته نا امنۍ خپلې عمده ستونزې ګڼي .
د دوى پر وينا، ډېرى ولايتونه پاخه او معياري سړکونه لري، خو په دايکنډي کې يو متر پوخ سړک هم نه شته.
