لښكرګاه (پژواك ۱۰ چنګاښ ۹۲): د هلمند د نوزاد ولسوالۍ اوسېدونكي شکايت کوي، چې د نورو سيمو په پرتله يې د سيمې امنيت او پراختيايي چارو ته کمه پاملرنه کېږي.
د دې ولسوالۍ لسګونه قومي مخور او ديني عالمان د چنګاښ په ۱۰مه د خپلو سيمه ييزو ستونزو د هوارۍ په موخه د هلمند له والي سره د خبرو لپاره لښکرګاه ته راغلي وو.
د انجنير محمد په نوم د نوزاد د سوركاڼو اوسېدونكى وايي، د ولسوالۍ مركزي سيمه څلور كاله مخکې د دولت تر واك لاندې راغلې، خو تر دې مهاله په کې يو ښوونځى، يو روغتيايي مركز او د ولسوالۍ او امنيه قوماندانۍ ودانۍ او څلور د پوليسو ماموريتونه جوړ شوي دي.