Voter Voices

  تالقان (پژواک،١٥تله ٩٢): د تخار ولايت اوسېدونکي وايي، چې د ولسمشرۍ او ولايتي شورا په راتلونکو ټاکنوکې د ګډون چمتوالى لري؛ خو له اړوندو چارواکو غواړي، چې  دغه پروسه په پوره روڼوالي تر سره کړي.
تخار ولايت له مرکز( تالقان) پرته ١٦  ولسوالۍ لري او له تاجکستان سره پر پوله پروت دى. تر اوسه لا راتلونکو ولايتي شوراګانو ته د ښځينه او نارينه وکيلانو څوکۍ نه دي مشخصې شوي.
 ينګي قعله، خواجه بهاوالدين، خواجه غار او اشکمش ددغه ولايت له څه ناڅه نا امنو ولسواليو څخه دي، چې  د تېرې دورې ټاکنې په کې ډېرې رڼې نه وې بلل شوې.