ټاکنیز خبرونه

کابل (پژواک،۶ کب ۹۸): د چارو شنونکي د ولسمشر غني د لوړې مراسمو ترسره کول بیړني او د هېواد د نافذه قانون خلاف ګڼي.
ټاکنو کمېسیون د روان کال د سلواغې په ۲۹ مه محمد اشرف غني د ۵۰،۶۴ سلنه رایو په ترلاسه کولو د تېرو ولسمشرۍ ټاکنو ګټونکی اعلان کړ او څو ساعته وروسته ډاکتر عبدالله عبدالله ځان ګټونکی وباله او ویې ویل چې ((ټول شموله حکومت)) جوړوي.
دوې ورځې مخکې یوې حکومتي سرچینې وویل، د ولسمشر غني د لوړې مراسم به ښايي د روانې اونۍ په پای کې ترسره شي چې د ترسره کېدو لپاره یې کمېسیون هم جوړ شوی دی.

کابل (پژواک، ۶ کب ۹۸) : دامریکا د بهرنیو چارو وزارت له افغان حکومت څخه مننه کړې چې د ولسمشر غني د لوړې مراسم یې ځنډولي دي.
د بهرنیو چارو وزارت لخوا د افغان ولسمشریزو ټاکنو په اړه له هیلو بر خلاف په ځنډ سره نن د کب په ۶مه، د شپې ناوخته خبرپاڼه خپره شوه.
په خبرپاڼه کې راغلي چې دوی هم د افغانستان د ټاکنو خپلواک کمیسیون له اعلان څخه خبر شوي چې پکې یې اشرف غني ګټونکی اعلان شوی ، خو د ټاکنو د پروسې په اړه یې اندیښنې راپورته کړې.
سرچینې زیاته کړې : (( موږ تمه لرو چې دا اندیښنې د اساسي قانون او قانوني پروسیژرونو سره سم اداره شي.))

کابل (پژواک، ۵ کب ۹۸): استاد عبدرب الرسول سیاف او مخکيني ولسمشر حامد کرزي د ارګ او سپېدار ماڼۍ ترمنځ د ټاکنیزو جنجالونو د حل لپاره له غني او عبدالله سره خبرې کړې دي.
له ارګ څخه په خپره شوې خبرپاڼه کې راغلي چې ولسمشر غني نن له ماسپښین مخکې له استاد عبد رب الرسول سیاف او مخکيني ولسمشر حامد کرزي سره ولیدل.
په خبرپاڼه کې زياته شوې، په دې لیدنه کې چې په ګلخانې ماڼۍ کې ترسره شوه، د هېواد د روان وضعیت او دغه راز د افغان سولې بهیر په اړه هر اړخیزې او دوستانه خبرې وشوې.

کابل (پژواک، ٣٠ سلواغه ٩٨) : د يو شمېر ولايتونو ځينې اوسېدونکي د ټاکنو پروسې پر پاى ته رسېدو خوښ دي، خو وايي چې روانې شخړې او لانجې اندېښمن کړې دي.
د ټاکنو خپلواک کمېسیون پرون ماښام د روان کال د تلې په شپږمه د ترسره شوو ټاکنو وروستۍ پایلې اعلان کړې.
د دغو اعلان شوو پایلو له مخې، د ولسمشرۍ ټاکنو د ۱۴ نوماندانو له ډلې محمد اشرف غني ۹۲۳۵۹۲ رایې (د ټولو رایو (۵۰،۶۴ سلنه)، ډاکتر عبدالله ۷۲۰۸۴۱ رایې (د ټولو رایو ۳۹،۵۲ سلنه) او ګلبدین حکمتیار ۷۰۲۴۱ رایې (د ټولو رایو ۳،۸۵ سلنه) ترلاسه کړې دي.

کابل (پژواک، ۳۰ سلواغه ۹۸): د ولسمشرۍ ټاکنو يو شمېر نورو نوماندانو هم د ټاکنو کمېسيون له خوا اعلان شوې وروستۍ پايلې ردوي او وايي چې ورته د منلو وړ نه دي.
د ټاکنو خپلواک کميسيون پرون مازديګر ناوخته په يوه خبري غونډه کې د ولسمشرۍ ټاکنو وروستۍ پايلې اعلان کړې چې په ترڅ کې یې محمد اشرف غني د ٥٠،٦٤ سلنې رايو ترلاسه کولو سره ګټونکى معرفي شو.

کابل (پژواک، ٣٠ سلواغه ٩٨): د افغانستان د اسلامي جمعیت ګوند د دارالانشا رییس عطامحمد نور وايي چې د ستونزو او تاوتریخوالي رامنځته کول په هېڅ ډول د ملت په خیر نه دي او له ثبات او همپالنې ټيم یې غوښتي چې له بحران رامنځته کولو ډډه وکړي او خپله انرژي د سولې او امنیت په ټینګښت کې مصرف کړي.
دا په داسې حال کې ده چې ټاکنو کمېسیون د ولسمشرۍ ټاکنو په وروستیو پایلو کې محمد اشرف غني ګټونکی اعلان کړ خو ډاکتر عبدالله دغه پایله نه مني او ځان یې بریالی اعلان کړی دی.

کابل (پژواک، ۳۰ سلواغه ٩٨): د ټاکنو خپلواک کمېسیون له خوا د ولسمشرۍ وروستیو پایلو د اعلان په اړه د پژواک انلاین نظر پوښتنه ښیي چې۸۷ سلنه خلک له دغو پایلو خوښ دي او پاتې نورو ورسره مخالفت کړی دی.
د ټاکنو خپلواک کمېسیون پرون ماښام د روان کال د تلې په شپږمه د ترسره شوو ټاکنو وروستۍ پایلې اعلان کړې.
د دغو اعلان شوو پایلو له مخې، د ولسمشرۍ ټاکنو د ۱۴ نوماندانو له ډلې محمد اشرف غني ۹۲۳۵۹۲ رایې (د ټولو رایو (۵۰،۶۴ سلنه)، ډاکتر عبدالله ۷۲۰۸۴۱ رایې (د ټولو رایو ۳۹،۵۲ سلنه) او ګلبدین حکمتیار ۷۰۲۴۱ رایې (د ټولو رایو ۳،۸۵ سلنه) ترلاسه کړې دي.

کابل (پژواک، ۲۹ سلواغه ۹۸): د ټاکنو کمېسیون محمد اشرف غني د ټولو معتبرو رایو د ٥٠،٦٤ سلنه په ترلاسه کولو د ۱۳۹۸ کال د ولسمشرۍ ټاکنو ګټونکی اعلان کړ.
د افغانستان ولسمشرۍ ټاکنې د روان کال د تلې په شپږمه ترسره او د ټاکنو کمېسیون یې نن وروستۍ پایلې اعلان کړې.
د ټاکنو کمېسیون رییسې حوا علم نورستانۍ نن په کابل کې یوه خبري کنفرانس ته وویل، د ولسمشرۍ ټاکنو د نوماندانو له ډلې محمد اشرف غني د ۹۲۳۵۹۲ رایو (د ټولو رایو (۵۰،۶۴ سلنه)، ډاکتر عبدالله د ۷۲۰۸۴۱ رایو (د ټولو رایو ۳۹،۵۲ سلنه) او ګلبدین حکمتیار د ۷۰۲۴۱ رایو (د ټولو رایو ۳،۸۵ سلنه) ترلاسه کړې دي.

ابل (پژواک، ۲۲ سلواغه ۹۸): د ټاکنو کمېسیون د ځانګړي تفتیش د پیل لپاره د پوره تیاري خبر ورکړی او وایي چې ټاکل شوې وه دغه بهیر نن پیل شي؛ خو د شکایتونو کمېسیون د ناظرینو د نه شتون له امله وځنډېد.
خو د ټاکنیزو شکایتونو کمېسیون وایي چې د ځانګړي تفتیش د پیل په اړه د ټاکنو کمېسیون پرګرامونه تراوسه له دوی سره نه دي شریک شوي.
د ټاکنو خپلواک کمېسیون د دارالانشا رییس حبیب الرحمن ننګ نن پژواک خبري اژانس ته وویل چې یاد کمېسیون د ځانګړي تفتیش لپاره پوره تیاری لري.

کابل (پژواک، ١٦ سلواغه ٩٨): د افغانستان د ټاکنو مالي ملاتړ کوونکې نړيواله ډله وايي چې د ولسمشرۍ ټاکنو د وروستيو پايلو تر اعلانه پورې دې د ملي يووالي حکومت ټولو اصولو ته دې پاملرنه او له داسې اقداماتو دې ډډه وشي چې په هېواد کې بې ثباتي رامنځته کوي.
يادې ډلې دا څرګندونې په داسې حال کړې چې ټاکل شوې د شکايتونو کمېسيون د ولسمشرۍ ټاکنو په اړه خپلې پايلې نن له رسنيو سره شريکې کړي.
په ياده ډله کې امريکا، برېتانيا، جاپان، کاناډا، جرمني او يو شمېر نور هېوادونه شامل دي او له افغانستان سره يې په تېرو ولسمشريزو ټاکنو کې مالي مرسته کړې وه.