Special Reports

شبرغان(پژواک، ۲۶ ليندۍ ٩٢): جوزجان دهېواد له شمالي ولايتونو څخه يو دى، چې په کې د ګازو کانونو پراخه شتون اقتصادي اهميت ورکړى دى. دا ولايت له ترکمنستان سره ګډه پوله لري او په پنځو ساحو کې يې د ګازو زېرمې شته.
ګازي سرچينې د تفحصاتو رياست له خوا کشف شوي او ګټه اخيستنې ته سپارل کېږي او د افغان ګاز تصدۍ رياست يې د وېش او پلور مسووليت پر غاړه لري. په دې ګازي سرچينو کې نږدې څلور زره کارګر په کار بوخت دي.

شبرغان (پژواک، ٢٠ تله ٩٢): د جوزجان امنيتي چارواکي ددغه ولايت امنيت وضعيت د تېر په پرتله ښه بولي او وايي، چې د ولسواليو لارې د ترافيکو پرمخ خلاصې شوي او کومه امنيتى ننګونه نه لري، خو په ځينو برخو کې له شته نا امنيو لا هم اندېښمن دي.
د جوزجان مرستيال والي انجنير عبدالرحمن وايي، چې وسله وال مخالفين کمزوري شوي او امنيتي ځواکونه د مسلکي توب لور ته روان دي.
دهغه په خبره، په درزاب او قوش تپه ولسواليو کې د سيمه ييزو پوليسو په رامنځته کېدو سره په امنيت کې ستر بدلون راغلى، خلک د امنيت احساس کوي او په امنو سيمو کې ورته د کار زمينه مساعده شوې ده.

شبرغان(پژواک، ٢٧ تله ٩٢):جوزجان ولايت د پوهنې په برخه کې د پام وړ پرمختګونه کړي او تر اوسه په کې حتى يو تړلى ښوونځي هم نه شته، خو د پوهنې بهير يې د ښوونځيو لپاره د ودانيو او مسلکي ښوونکو د نه شتون په برخه کې په ځينو ولسواليو کې له ستونزو سره مخ دى.
سره ددې، چې ددې ولايت د درزاب او قوش تپې ولسوالۍ دجوزجان نا امنه سيمې شمېرل کېږي، خو بيا هم په کې د نجونو او هلکانو ښوونځي فعال دي او درسي بهير يې په نورمال ډول مخ پر وړاندې ځي.
د جوزجان د پوهنې رييس عبدالحى يشين وايي، چې پنځه کاله وړاندې ٢٥٠ ښوونځي فعال وو، خو اوسمهال ددغو ښوونځيو شمېره ٣٨٤ ته لوړه شوې ده.

شبرغان (پژواک،٢٠ تله ٩٢): د جوزجان ولايتي چارواکي وايي، چې اقتصاد يې وده نه ده کړې او پانګوال د ځينو نامعلومو عواملو له امله په دې ولايت کې پانګې اچونې ته نه حاضرېږي.
سره له دې چې جوزجان ولايت د درېېو شمالي ولايتونو بلخ، فارياب او سرپل ترمنځ پروت دى او سوداګر ترې د يوه معبر په توګه کار اخلي، خو پانګونه يې په کې نه ده کړې.
د طبيعي ګاز څاګانې ددغه ولايت يوه بله عايداتي سرچينه ده، چې يوه لويه برخه يې پاتې او کمه برخه يې کارول شوې ده.

شبرغان (پژواک، ۱۸ تله ٩٢): په تېرو پنځو کلونو کې د بيا رغونې په سلګونو پروژې په جوزجان ولايت کې ګټې اخيستنې ته سپارل شوي؛ خو د ٢٠١٣ زېږديز کال سترې پروژې د نا څرګندو دلايلو له امله ځنډېدلې دي.
د يوه ستر برېښناکوټ جوړول او امو سيند څخه د جوزجان پنځو ولسواليو د اوبو د شبکې را غځول د روان کال له هغوپروژو څخه دي، چې کار يې له يوه کال نه بل ته پاتې کېږي.
که څه هم په دې برخه کې د برېښنا او کليو پراختيا وزارتونو په بيا بيا ددغه ولايت خلکو ته ژمنې ورکړي، خو خلک وايي، چې دغه دوه پروژې به تر يوې زياتې مودې پورې پلې نه شي.