Rehabilitation Special Reports

اسعداباد ( پژواک ١٠چنګاښ، ۹۲ ) د کونړ چارواکي او اوسېدونکي وايي، چې په تېره يوه لسيزه کې په دې ولايت کې د بيارغونې ګڼې چارې تر سره شوي او له ډېرو ستونزو يې ژغورلي دي.
د کونړ والي سيد فضل الله وحيدي وايي، په کونړ کې په تېرو نهو کلونو کې کابو پنځه سوه ميليونه امريکايي ډالره په بيارغونې لګولي دي.
هغه وايي، دغه مرستې تر ډېره د امريکا متحده ايالاتو د ولايتي بيارغونې ډلې او USAID ادارو او يوشمېر نورو هېوادونو له لوري شوي دي.
د ده په خبره ، په کونړ کې چې يو غرنيز ولايت دی ډېرې په کې د سړکونو او پلونو د جوړولو چارې تر سره شوې دي.