پکتيکا د هېواد سوېل ختيځ ته پروت ولايت دی، د دغه ولايت شمال ته پکتيا او غزني ولايتونه او شمال لوېديځ ته هم غزني موقيعت لري، شمال ختيځ ته خوست، ختيځ، سوېل او سوېل لوېديځ ته له شمالي او سوېلي وزيرستان سره اوږده پوله لري، د لوېديځ په يوه څنډه کې يې زابل او د پاکستان د بلوچستان ايالت موقعيت لري.
١- د کټواز د نفت او ګازو حوزه:
د کټواز د نفتو او ګازو د حوزې سيمه له ښرنې سوېل لور ته د يحيى خېلو، زرغون ښار، جاني خېلو او خوشامند ولسواليو تر منځ مشترکه سيمه ګڼل کېږي، د دې حوزې مساحت ٤٠ زره کيلومتر مربع او د د رسوبي احجارو ضخامت يې ٦ زره مترو ته رسېږي.
