پلخمري (پژواک، ١٩ ليندۍ ٩٢): بغلان د هېواد له شمال ختيځو او سختو لارو لرونکو ولايتونو څخه دى ، چې تر ځمکه لاندې ډيرې زېرمې لري.
د بغلان طبيعي سرچينې په ځانګړي ډول د ډبرو سکرو کانونه د خلکو په ژبو ګرځي، چې خپله ددې ولايت له اوسېدونکو سربېره د نورو ولايتونو اوسېدونکي هم ترې ګټه اخلي او حتى تر وروستيو وختونو پورې پاکستان ته هم صادرېدل.
د ډبرو سکرو دا کانونه له سنګ کرکر، دودکش، اهن دره ، خُرد دره، چنارک، شين دره ، الوګک او تاله و برفک له کانونو څخه عبارت دي.
