اسعداباد ( پژواک، ٤چنګاښ ۹۲ ): د کونړ ولايت چارواکي وايي، چې په دغه ولايت کې د پوهنې بهير مخ پر ودې روان دی او پر وړاندې يې هېڅ خنډ نشته.
د کونړ د پوهنې رييس سيدجمال الدين حسني وايي، په دې ولايت کې د پوهنې پر وړاندې ستونزې او ننګونې نشته او د پوهنې بهير ښه پر مخ ځي.
هغه زياتوي، په کونړ کې ټول ۴۹۰ ښوونځي شته، چې د نجونو د ۲۴ لېسو په ګډون يې ۸۸ يې لېسې، ۱۰۷ منځني ښوونځي دي ، چې ۳۱ يې د هلکانو، ۳۰ د نجونو او ۴۶ يې ګډ منځني ښوونځي دي.
نوموړی وويل، ۲۴۹ بابه په کې لومړني ښوونځي فعال دي، چې ۱۱ يې د هلکانو، ۴۲ د نجونو او ۱۹۶ يې د دواړو ګډ ښوونځي دي.
