ميمنه(پژواک، ١٢ لړم ٩٢):د فارياب ولايت د پوهنې بهير د پرمختګ په حال کې دى، خو د ښوونځيو د ودانيو، مسلکي ښوونکو، نويو درسي کتابونو، ترانسپورټ، سر ښوونکو او په ښوونځيو کې د نظارت غړو نه شتون هغه څه دي، چې د فارياب د پوهنې پر وړاندې سترې ستونزې ګڼل کېږي.
د فارياب د پوهنې رييس احمدالله عرب وايي، چې د فارياب خلک له پوهنې سره مينه او ښوونځيو ته د زده کړې لپاره د خپلو ماشومانو له استولو سره زياته مينه لري.
ده زياته کړه، چې په فارياب کې له پنځو سوو زيات ښوونځي او په ټوليز ډول ٤٠٠ زره زده کوونکي شته ، چې د زده کړې چارې يې د ٧٧٠٠ ښوونکو له خوا مخته وړل کېږي.
