Security Special Reports

ګردېز ( پژواک، ٩ زمرى ٩٢ ) : د پکتيا ولايت يو شمېر اوسېدونکي وايي ،چې امنيت نسبي ښه شوى، خو د ماين له چاودنو او د بهرنيو ځواکونو له شپنيو عملياتو شکايت کوي.
ددې لايت له څوارلسو ولسواليو څخه يې پنځه ولسوالۍ زرمت ،شواک،ګرده څيړۍ،وځې ځدراڼ او جاني خېل دنورو په پرتله نا امنې او د وسله والو مخالفينو فعاليت پکې زيات دی.
په دې ولسواليو کې يې په زرمت کې دمولوي منصور ، په ځدراڼو او جاني خېلو کې د حقاني ډلې او په ځاځي اريوب او يو شمېر نورو ولسواليو کې د حزب اسلامي کسان جنګيږي .