ګردېز ( پژواک، ٨ زمرى ٩٢ ) : د پکتيا ولايت د بېلابېلو ادارو چاوراکي وايي ،چې په تېرو څو کلونو کې په دې ولايت کې د بيارغونې سلګونه لويې او وړې پروژې پلې شوې دي ،چې لسګونه ميليونه ډالره ارزښت لري .
چارواکي وايي، چې که څه هم اوس مهال په پراخه کچه د بيارغونې پروژې نشته ،خو يو شمېر پروژې لکه دمچلغو بند،دخوست -ګردېز لويه لاره او ځينې نورې پروژې شته ،چې چارې يې روانې دي .
د پکتيا مرستيا والي عبدالولي سهي پژواک خبري آژانس ته وويل ،چې په تېرو څو کلونو کې لسګونه کيلومتره سړک ،لسګونه ښوونځيو ته ودانۍ ،لسګونه روغتيايي مرکزونه او په نورو بېلابېلو برخو کې کار شوی دی .
