Parwan

چاريکار (پژواک، ٢ غبرګولى ٩٣):  د پروان ځيني اوسېدونکي د دغه ولايت د نوې ولايتي شورا له کړنو خوښ نه دي، خو ځيني ترې خوښ دي او د شورا غړي هم وايي چې يو شمېر کارونه يې کړي او د نورو لپاره پلانونه لري.
د ولايتي شورا ګانو ټاکنې تېر کال د وري په ١٦مه ترسره شوې او وروستۍ پايلې يې تر اوږده ځنډ وروسته  تېر کال د لړم په دريمه اعلان شوې.

چاريکار( پژواک،١٦ ورى ٩٤): د پروان په مرکز چاريکارو کې د پنځو ميليونو امريکايي ډالرو په لګښت دوه سوه بستريز روغتون جوړېږي.
د دغه روغتون د بنسټ ډبره نن د پروان د مرکز اړوند په  "جنګل باغ" سيمه کې د عامې روغتيا وزير ډاکټر فېروزالدين فېروز له خوا کېښودل شوه.
د عامې روغتيا وزير وويل چې د روغتون دغه دوه پوړيزه ودانۍ  په څلور سوه متره مربع ځمکه کې په درېيو کلونو کې جوړېږي او لګښت يې د عامې روغتيا وزارت له پراختيايي بوديجې څخه ورکول کېږي.
هغه وويل چې دغه روغتون به په اړينو وسايلو تجهيز او د داخلې، جراحۍ،ارتوپيډي، ماشومانو او نسايي ولادي په  برخو کې  فعاليت کوي.

چاريکار(پژواک، ١٥ سلواغه ٩٣): د پروان ولايت په مرکز کې د يو شمېر ځايي اوسېدونکو تر منځ د شخړې له امله چې دوه په کې پوليس دي؛ درې تنه وژل شوي او شپږ نور ټپيان دي.
 دغه ټکى د پروان ولايت د امنيه قوماندانۍ له جنايي جرمونو سره د مبارزې مدير لطف الرحمن رشاد پژواک خبري اژانس ته څرګند کړ او ويې ويل چې يوه ښځه هم ټپي شوې ده.
هغه وويل چې دا نښته تېره شپه شاوخوا اوه بجې ددې ولايت د مرکز اړوند په قلعچه سوخته سيمه کې د ځايي اوسېدونکو تر منځ د پخوانۍ د ښمنۍ له امله  رامنځته شوې ده.