Kunduz

کندوز (پژواک، ٢٥ زمرى ٩٤): د کندوز ولايتي شورا د دشت ارچي او ځينو نورو سيمو له لاسه وتل د ځايي چارواکو د بې کفايتۍ پايله ګڼي او غوښتنه کوي چې دا ساحې دې له طالبانو بېرته ونيول شي.
دشت ارچي د روان کال د چنګاښ په لومړۍ نېټه وسله والو طالبانو ونيوله، خو دولت تر اوسه هم نه دى توانېدلى چې دا ولسوالي بېرته ونيسي.
د کندوز ښار ته څېرمه د ګورتپه سيمه له تېرو دوو مياشتو راهيسې، د خان ولسوالۍ اقتاش سيمه او د قلعه زال ځينې برخې له څه کم يوې مياشتې راهيسې د وسله والو مخالفينو په واک کې دي.

کندوز (پژواک، ١٥ زمرى ٩٤): د کندوز سلګونه اوسېدونکو د پاکستان له لوري د راکټونو د توغولو پر ضد نن په لاريون لاس پورې کړى او له دغه هېواد سره يې د افغانستان د سياسي اړيکو د ځنډولو غوښتنه کړې ده.
 د وروستيو راپورونو پر بنسټ، د پاکستان پوځي سرتېرو يو ځل بيا د هېواد پر سرحدي سيمو راکټونه توغولي چې په ترڅ کې يې د ننګرهار او کونړ ولايتونو خلکو ته مرګ ژوبله اوښتې ده.
 دغه راز د پاکستان پوځيانو په دې وروستيو کې د پکتيکا ولايت په انګورو اډه سيمه کې د پوځي تاسيساتو جوړول پيل کړي چې دغه کار د خلکو او حکومت له غبرګون سره مخ شوى دى.