Herat

هرات ښار (يژواک، ٢٥وږی ۹۸): د لوېدیځ زون څلورو ولایتونو سیمه ییز چارواکي په دغه زون کې د ټاکنو د امنیت لپاره د پراخو عملیاتو له پیلېدو خبر ورکوي.
د څلورو ولایتونو (هرات، فراه، غور او بادغيس) والیانو او امنیه قوماندانانو د ټاکنو د امنیت ساتلو لپاره پلانونه او د دغو ولایتونو لپاره د پراختیايي پرګرامونو په موخه نن په هرات ولایت کې ناسته وکړه.

هرات ښار (پژواک، ۲۴ وږی ۹۸): د هرات د ټاکنیزو شکایتونو کمېسيون چارواکي وایي چې تراوسه په دغه کمېسیون کې د ټاکنیزو ټيمونو له خوا پر یو بل یوازې څلور ټاکنیز شکایتونه ثبت شوي دي.
 د دغو چارواکو په خبره، په دغه کمېسیون کې د هرات ښاریانو او څار ډلو له خوا ترواسه هېڅ شکایت نه دی ثبت شوی.
 د ټاکنیزو شکایاتو د کمېسیون کمېشنر ګل محمد طارق نن په هرات کې د یوې خبري غونډې پرمهال وویل: "په شکایاتو کمېسیون کې د ټاکنیزو ټيمونو له لوري تراوسه څلور ټاکنیز شکایتونه چې داهم د دولت جوړونکي ټیم پروړاندې چې ګواکې له دولتي امکاناتو ګټه اخلي ثبت شوي دي"

هرات ښار (پژواک، ۳۰ زمری ۹۸): د هرات د ټاکنو کمېسیون چارواکي وايي چې د امنیتي ګواښونو له امله د یاد ولایت په دوو ولسواليو کې ټاکنې نه ترسره کېږي.