Ghazni

غزني- ښرنه (پژواک، ١١سلواغه ٩٣): د غزني او پکتيکا ولايتي شوراګانو د ولسي جرګې د وروستۍ پرېکړې په غبرګون خپل دفترونه وتړل او کاري اعتصاب يې پيل کړ.
ولسي جرګې د تېرې اوونۍ په غونډه کې پرېکړه وکړه چې ولايتي شوراګانې د سيمه ييزو ادارو پر کړنو د څار حق نه لري.
د دې پرېکړې په غبرګون کې د هېواد په يو شمېر ولايتونو کې د ولايتي شوراګانو دفترونه تړل شوي او د ولسي جرګې دا پرېکړه يې ناسمه بللې ده.
د پکتيکا د ولايتې شورا مرستيال نعمت الله بابري د سلواغې په ١١مه پژواک خبري اژانس ته وويل چې دوى هم نن د ولايتي شورا دفتر وتاړه.

غزني (پژواک، د سلواغې لومړۍ نېټه ٩٣): د غزني ولايت د ښځو حقونو فعالانې وايي چې د تاوتريخوالي د قرباني مېرمنو دوسيو ته په سمه توګه رسېده ګي نه کېږي.
د دوى په وينا، په غزني کې د تېر کال په پرتله د مېرمنو پر وړاندې د تاوتريخوالي پېښې ډېرې شوې، خو د قضايي ارګانونو په ګډون اړوندې ادارې يې دوسيې پر وخت نه څېړي.
د غزني د ولايتي شورا پخوانۍ غړې او د مېرمنو د حقونو فعالې حميدې ګلستاني پژواک خبري اژانس ته وويل چې په دې وروستيو کې د مېرمنو پر وړاندې د تاوتريخوالي پېښې ډېرې شوې دي.

غزني ښار (پژواک، ٥مرغومى ٩٣):  ناپېژانده وسله والو د غزني د ولايتي شورا يوه وکيله نن له غرمې مخکې پر ډزو سره ټپي کړه .
د غزني د والي وياند شفيق ننګ د مرغومي په ٥مه پژواک اژانس ته وويل چې دوه موټر سايکل سپرو وسله والو د غزني د ولايتي شورا يوه ښځينه برحاله وکيله ذکيه رحيمي نن له غرمې مخکې په څه کم يوولسو بجو د غزني ښار اړونده  د قلعه شاده سيمې کې  دکور مخې ته ټپي  کړه .
ده وويل چې يادو موټر سايکل سپرو لومړى رحيمي ته عريضه وړاندې کړې او له هغه وروسته يې  د بې غږه تومانچې پر ډزو ټپي کړې او ياد وسله وال په تېښته بريالي شوي .