Farah

فراه (پژواک ١٦ ورى ٩٣): د فراه ولايت په بالابلوک ولسوالۍ کې د وسله والو مخالفينو او پوليسو تر منځ نښته کې دواړو لورو ته مرګ ژوبله اوښتې ده.
دغه راز د دې ولسوالۍ د شيوان کلي يو اوسېدونکى دعوه کوي، چې د امنيتي ځواکونو د هاوان پر ډزو درې ملکي وګړي ټپيان شوي، خو چارواکي دا څرګندونې ناسمې بولي.
د ٢٠٧ ظفر قول اردو د دويمې پلې لوا وياند محمدحنيف رضايي پژواک خبري اژانس ته وويل، چې نن سهار شاوخوا نهه نيمې بجې وسله والو طالبانو د ګنج اباد په سيمه کې د عامه نظم د پوليسو پر يوې پوستې بريد وکړ.