Balkh

مزارشريف (پژواک، د غبرګولي لومړۍ نېټه، ۹۸): د بلخ پخوانی والي او د جمعيت ګوند اجراييوي رييس عطامحمد نور وايي، چې له نن (د جوزا لومړۍ وروسته) د ملي وحدت په نوم حکومت وجود نه لري.
نوموړي رسنيو ته په لېږل شوي يوه ويډيويي پيغام کې ويلي، چې د اساسي قانون د ۶۱مې مادې له مخې د پنځم کال د غبرګولي مياشتې په لومړۍ نېټه د يوه منتخب حکومت کاري دوره پای ته رسېږي.
هغه وايي، د اساسي قانون د همدې مادې پر اساس له دې وروسته د ملي وحدت په نوم حکومت وجود نه لري.

مزارشريف (پژواک، ۵ ورى ۹۸): د سولې او اعتدال ټيم  مشر  او د ولسمشرۍ کانديد محمد حنيف اتمر وايي چې په افغانستان کې د سولې پروسې د برياليتوب لپاره د مؤقت حکومت رامنځته کېدل يې په کاري لومړيتوب کې دی.
نوموړي دغه څرګندونې په مزارشريف کې د حمل په ۵مه د مارشال فهيم د مړينې په مناسبت جوړه شوې غونډه کې وکړې.
دې غونډه کې د بلخ پخواني والي او د جمعيت ګوند اجرايي رييس عطامحمد نور تر څنګ د ياد ټيم ګڼ شمېر مرکزي او سيمه ييزو مشرانو ګډون کړی و.
حنيف اتمر وويل چې په افغانستان کې د ازادۍ، رفاه او عدالت پلي کېدو لپاره به په ګډه کار کوو.

مزارشريف (پژواک، ۲۶ مرغومی، ۹۷): د بلخ په مرکز مزارشريف ښار کې د لومړني لېست د برياليو نوماندانو لسګونو پلويانو د ټاکنو کمېسيون دروازې په تړلو سره، د مشکوکو رايو د بيا ځلي شمېرلو پروسه ودروله.

مزار شريف ( پژواک، ۲۲مرغومی ۹۷): د بلخ ولايت معترض نوماندان وايي چې ټاکنو کمېسيون له دوی سره د مشکوکو صندوقونو د رايو بيا ځلي شمېرلو ژمنه کړې وه؛ خو په وينا يې چې تر اوسه يې نه ده عملي کړې.
ياد نوماندان چې د مرغومي په ۲۲مه، مزار شريف ښار کې راټول شوي وو، همدا راز يې وويل چې که غوښتنې يې ونه منل شي؛ نو د خپل حق تر لاسه کولو لپاره به سړکونو ته راووځي.