Badakhshan

١-ډاکټر نيلوفر ابراهيمي:
د بدخشان دخلکو استازې-رايې:٣٦٦٧
 
ډاکترنيلوفر د ابراهيم لور، چې په ١٣٥٤لمريز کال د بدخشان ولايت په تګاب ولسوالۍ کې زېږېدلې ده. نوموړې خپلې لومړنۍ او ثانوي زده کړې د مزار شريف په بيګانجي کې په ١٣٧٠ لمريز کال پاى ته رسولي او دليسانس سند يې د بلخ پوهتون له طب پوهنځي څخه په ١٣٧٢لمريز کال  کې اخيستى دى ، ابراهيمي د معالجوي طب له پوهنځي تر فراغت وروسته لومړى په رابعه بلخي او وروسته بيا د بدخشان په کشم روغتون کې د ډاکټرې په توګه دنده اجرا کړې ده.
د اړيکو شمېرې : ۰۷۰۷۴۱۵۳۰۰ و ۰۷۰۷۰۶۰۸۰‍‍۱

بدخشان ولايت دهېواد په شمال ختيځ زون کې موقعيت لري او د هېواد له شنو او غرنيو ولايتونو څخه يو دى، چې له تاجکستان، پاکستان اوچين سره ګډه پوله لري.
په دې ولايت کې ګڼې سرشاره طبيعي منابع شته، چې له دې جملې څخه د لال او لاجوردو کانونه او تاريخي ابدات يادولى شو،  چې ددې ولايت تاريخي قدامت څرګندوي.
د جغرافيوي موقعيت له اړخه دا ولايت د ختيځ طول البلد په ٧٠ درجو، څلورو دقيقو او ٣٦ ثانيو او د شمالي عرض البلد په ٣٦ درجو، ٥٠ دقيقو او ١٦ ثانيو کې واقع دى.

بدخشان ولايت ٢٩ اداري واحدونه لري، چې يو يې مرکز او ٢٨ يې ولسوالۍ دي. ددې ولايت مرکز د فيض اباد ښار دى، چې ښار يې نوى تشکيل شوى، خو زوړښار يې  شين او په سلګونو هټۍ لري. د کوکچې سيند د ننه د يوې ودانۍ شتون، چې تاريخي مخينه لري ددې ولايت په لرغونتوب دلالت کوي.
 
 واخان:
واخان د بدخشان تر ټولو لرې پرته ولسوالۍ ده، له چين او تاجکستان سره پوله لري ، ددې ولسوالۍ ډېرى سيمې شنې او قرغز کورنۍ په کې مېشتې دي، چې ډېر پخوا له قرغزستان څخه راغلې دي.