تالقان (پژواک ١٤تله ٩٢) : د تخار ولايت اوسېدونکي د ځنګلونو د پرې کېدو، دغير قانوني وسله والو له شتون، اداري فساد، د نشه يي توکو قاچاق، د ځمکې غصب او بيکارۍ څخه شکايت کوي او ددغو ستونزو د حل غوښتونکي دي.
دوى وايي، چې له تېرې يوې لسيزې راهيسې په دې برخه کې د پام وړ کار نه دى شوى او اړينه ده، چې په دغه برخه کې پاملرنه وشي.
د درقد ولسوالۍ يوه سپين ږيري حاجي محمد اکبر پژواک خبري اژانس ته وويل:(( زموږ د ولسوالۍ خلک د ځنګلونو له پرې کېدو او د حيواناتو له ښکار څخه زيات ځورېږي.))
