ایبک (پژواک، ۲۱ تله ۹۸): په سمنګان کې د ولسي جرګې ټاکنو په پرتله په ولسمشرۍ ټاکنو کې د خلکو د ګډون کچه ۴۸ سلنه کمه وه او د کمښت په یاده سلنه کې د نارینه په پرتله د ښځو د نه ګډون کچه ۲۰ سلنه ډېره ده.
ولسمشرۍ ټاکنې د روان کال د تلې په شپږمه ترسره شوې او د افغانستان د ولسي جرګې ټاکنې د ۱۳۹۷ کال د تلې په میاشت کې ترسره شوې. د ولسمشرۍ ټاکنو پایلې تر اوسه نه دي اعلان شوې.
په سمنګان ولایت کې د ټاکنو کمېسیون د عامه پوهاوي مسوول محمد عالم نوابي پژواک خبري اژانس ته وویل، په دغه ولایت کې په تېرو ولسمشرۍ ټاکنو کې شاوخوا ۳۹۳۹۵ کسانو ګډون کړی و.